អរគុណទឹកចិត្តដ៏ប្រពៃមួយនេះ! អ្នកឧកញ៉ា គិត ម៉េង ឧបត្ថម្ភ ៥ ម៉ឺនដុល្លារ ជួយអ្នកខ្វះស្បៀងនៅតំបន់បិទខ្ទប់

អ្នកឧកញ៉ា គិត ម៉េង ដែលកន្លងមកបានចូលរួមយ៉ាងសកម្មក្នុងការចូលរួមបរិច្ចាគទឹកប្រាក់ផ្ទាល់ខ្លួនជាបន្តបន្ទាប់ជូនដល់រាជរដ្ឋាភិបាលក្នុងសកម្មភាពសប្បុរសធម៌ផ្សេងៗដល់ប្រជាជនកម្ពុជា បានធ្វើឱ្យមហាជនកោតសរសើរ និង អរគុណយ៉ាងជ្រាលជ្រៅដល់ទឹកចិត្តដ៏ថ្លៃថ្លារបស់អ្នកឧកញ៉ា និង ភរិយា ព្រមទាំងកូនៗ ។ តួយ៉ាងខណៈពេលនេះ ប្រទេសកម្ពុជាកំពុងជួបការរីករាលត្បាតនៃជំងឺកូវីដ-១៩ ក្នុងព្រឹត្តិការណ៍សមគមន៍ ២០ កុម្ភៈ មិនទាន់មានភាពធូរស្រាលនៅឡើយ ដោយរាជរដ្ឋាភិបាលបានប្រកាសបិទខ្ទប់រាជធានីភ្នំពេញទាំងមូល និង ក្រុងតាខ្មៅ ខេត្តកណ្ដាល ធ្វើឱ្យប្រជាពលរដ្ឋរាប់ម៉ឺនគ្រួសារកំពុងជួបប្រទះយ៉ាងខ្លាំងនូវបញ្ហាខ្វះស្បៀងហូបចុក ព្រោះមិនអាចចេញក្រៅផ្ទះរកចំណូលបាន ។ ដោយមើលឃើញពីទុក្ខលំបាករបស់បងប្អូនប្រជាពលរដ្ឋដែលរស់នៅតំបន់បិទខ្ទប់ និង កំពុងស្វែងរកជំនួយជាបន្ទាន់ ស្រាប់តែនៅថ្ងៃទី ២៨ ខែមេសា ឆ្នាំ ២០២១ នេះ អ្នកឧកញ៉ា គិត ម៉េង បានបង្ហោះសារនៅលើទំព័រផេកផ្លូវការរបស់លោក ឧបត្ថម្ភថវិកាចំនួន ៥ ម៉ឺនដុល្លារជូនដល់សាលារាជធានីភ្នំពេញ ដើម្បីផ្ដល់ជំនួយបន្ទាន់ដល់អ្នកកំពុងខ្វះខាត ៕

Read More